Discoveries
Research
Scientific studies, publications and ongoing projects.
კვლევა აკადემიური საქმიანობის ერთ-ერთი უმნიშვნელოვანესი ნაწილია. იგი გულისხმობს კონკრეტული საკითხის სისტემურ და მიზანმიმართულ შესწავლას, არსებული ცოდნის გაანალიზებას, ახალი მონაცემების მოპოვებასა და მიღებული შედეგების საფუძველზე დასკვნების ჩამოყალიბებას.
კვლევა შეიძლება ჩატარდეს სხვადასხვა მიზნით. მკვლევარი შეიძლება ცდილობდეს უკვე არსებული მოსაზრების გადამოწმებას, ნაკლებად შესწავლილი საკითხის გამოკვლევას, ახალი პრობლემის გამოვლენას, არსებული ცოდნის გაფართოებას ან პრაქტიკული პრობლემის გადაჭრის გზების მოძიებას.
კარგი კვლევა არ იწყება მხოლოდ ინფორმაციის მოძიებით. კვლევას წინ უნდა უძღოდეს პრობლემის განსაზღვრა, მიზნის ჩამოყალიბება და კვლევის სწორად დაგეგმვა. კვლევის თითოეული ეტაპი ერთმანეთთან არის დაკავშირებული: კვლევის კითხვა განსაზღვრავს, რა უნდა შევისწავლოთ, კვლევის მიზანი – რისი მიღწევა გვინდა, ხოლო მეთოდოლოგია და მეთოდები – როგორ უნდა მივიღოთ საჭირო პასუხები.