About us
შენი გზამკვლევი მეცნიერებასა და აკადემიაში
„აკადემიის კომპასი“ არის ეროვნული სამეცნიერო ბიბლიოთეკის ონლაინინსტრუმენტი ̶ ინტერაქტიული გზამკვლევი, რომელიც ეხმარება დამამთავრებელი კლასების მოსწავლეებსა და დაწყებითი საფეხურის სტუდენტებს აკადემიურ გზაზე ინფორმირებული არჩევანის გაკეთებაში. პლატფორმა ახალგაზრდებს აწვდის სტრუქტურირებულ ინფორმაციას იმის შესახებ, თუ როგორ შეუძლიათ მათ გაყვნენ კარიერას მეცნიერებაში – დაწყებული საკლასო ოთახში განვითარებული ცნობისმოყვარეობიდან დამთავრებული ორიგინალური კვლევის განხორციელებამდე.
„აკადემიის კომპასი“ ახალგაზრდებისთვის აბსტრაქტულ და ხშირად სტრესულ აკადემიურ გზას გარდაქმნის ხელმისაწვდომ, ინტერაქტიულ და ვიზუალურ გამოცდილებად. ის ეხმარება მათ უკეთ გაიაზრონ საკუთარი ინტერესები, შესაძლებლობები, სამომავლო პერსპექტივები და დაინახონ მეცნიერება არა როგორც მიუწვდომელი სფერო, არამედ აღმოჩენებით, განვითარებითა და ახალი შესაძლებლობებით სავსე გზა.
აღმოაჩინე შენი გზა მეცნიერებაში და მიჰყევი „აკადემიის კომპასს“.